Բարսեղյանի ֆանտաստիկ բենեֆիսը. Սլովանը խոշոր հաշվով հաղթեց Ժիլինային 🎥

Սլովակիայի Nike Liga-ի 26-րդ տուրում Բրատիսլավայի «Սլովանը» հյուրընկալվելիս 3:0 հաշվով հաղթեց «Ժիլինային»։

Հանդիպման հերոս դարձավ «Սլովանի» և Հայաստանի հավաքականի կիսապաշտպան Տիգրան Բարսեղյանը, ով դարձավ դուբլի և մեկ գոլային փոխանցման հեղինակ` օգնելով աչքի ընկնել իր խաղընկեր Նինո Մարչելիին։

Հայ ֆուտբոլիստը Սլովակիայի առաջնության 2023/24 մրցաշրջանում 25 խաղում խփել է արդեն 10 գոլ և կատարել 11 գոլային փոխանցում։

Վլադիմիր Վայսի թիմը այս հաղթանակից հետո վաստակեց 66 միավոր և գլխավորում է Nike Liga-ի մրցաշարային աղյուսակը։ «Ժիլինան» ունի 44 միավոր և 3-րդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am