Բարսելոնան գրեթե համաձայնության է հասել Վիլյառեալի պաշտպանի հետ

Բարսելոնան գրեթե համաձայնության է հասել Վիլյառեալի պաշտպանի հետ

19/08/2022 - 13:05

«Բարսելոնան» շատ մոտ է հերթական գործարքն իրականացնելուն։

Ինչպես հայտնում է իսպանացի հանրահայտ լրագրող Ժերար Ռոմերոն, խոսքը «Վիլյառեալի» աջ պաշտպան Խուան Ֆոյթի մասին է։

Աղբյուրի փոխանցմամբ` «բլաուգրանան» անձական պայմանագրի հարցում գրեթե համաձայնության է հասել արգենտինացի ֆուտբոլիստի հետ, ում գործակալին օգոստոսի 16-ին նկատել են Կատալոնիայի մայրաքաղաքում։

Այժմ գործարքի հարցում «Բարսելոնան» բանակցություններ պետք է սկսի նաև «դեղին սուզանավի» հետ, սակայն, ըստ ինսայդեր Ֆաբրիցիո Ռոմանոյի տեղեկությունների, դրանք ավելի բարդ են լինելու։

Ավելի վաղ AS-ը հայտնել էր, որ «Վիլյառեալը» 24-ամյա պաշտպանի վաճառքից ցանկանում է ստանալ նվազագույնը 42 մլն եվրո, իսկ «Բարսելոնան» պատրաստ է վճարել միայն 30 մլն։

Հավելենք, որ հենց 42 մլն եվրո է նշված Ֆոյթի և «դեղին սուզանավի» միջև գործող պայմանագրում առկա հրաժարագնի կետի հատվածում։

Նշենք, որ Ֆոյթը «Վիլյառեալի» կազմում հանդես է գալիս 2020 թ. հոկտեմբերից` անցկացրած 71 խաղում դառնալով 2 գոլի և 4 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023