Բավարիան ճախրում է` տոնելով հերթական ջախջախիչ հաղթանակը🎥

Գերմանական Բունդեսլիգայի 14-րդ տուրում «Բավարիան» Մյունխենի «Ալիանց Արենա» մարզադաշտում մրցեց «Վերդերի» դեմ։

Հանդիպման ողջ ընթացքում Յուլիան Նագելսմանի թիմն ուներ տոտալ առավելություն` բրեմենյան ակումբին ջախջախելով 6:1 հաշվով։

Մյունխենյան ակումբի կազմից հեթ-տրիկի հեղինակ դարձավ Սերժ Գնաբրին, մեկական անգամ էլ աչքի ընկան Ջամալ Մուսիալան, Մաթիս Թելն ու Լեոն Գորեցկան։

«Վերդերի» միակ գոլը խփեց Անտոնի Յունգը։

Նշենք, որ «Բավարիան» բոլոր մրցաշարերի շրջանակում տոնեց 9-րդ անընդմեջ հաղթանակը։

Այս հաղթանակից հետո «բավարական մեքենան» վաստակեց 31 միավոր և ամրապնդվեց Բունդեսլիգայի 1-ին հորիզոնականում։

«Վերդերը», 21 միավորով, 6-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am