Արսենալը հիանալի խաղով հաղթեց Տոտենհեմին հյուսիսլոնդոնյան դերբիում 🎥

Արսենալը հիանալի խաղով հաղթեց Տոտենհեմին հյուսիսլոնդոնյան դերբիում 🎥

01/10/2022 - 17:20

Անգլիական Պրեմիեր լիգայի 9-րդ տուրի մեկնարկային խաղում կայացավ հերթական հյուսիսլոնդոնյան դերբին, որի շրջանակում «Արսենալն» «Էմիրեյթս» մարզադաշտում մրցեց «Տոտենհեմի» դեմ։

Հանդիպման մեկնարկում «զինագործներն» ունեին շոշափելի խաղային առավելություն, ինչի արդյունքում Միկել Արտետայի թիմը 20-րդ րոպեին Թոմաս Փարթիի ջանքերով բացեց խաղի հաշիվը, ով հեռահար հարվածով դարձավ բավական գեղեցիկ գոլի հեղինակ։

Բաց թողած գոլից հետո հյուրերը քիչ-քիչ ակտիվացան ու 31-րդ րոպեին հավասարեցրին հաշիվը. 11-մետրանոցից աչքի ընկավ Հարի Քեյնը։

Առաջին խաղակեսում այլևս գոլեր չգրանցվեցին. կողմերն ընդմիջման գնացին 1:1 հաշվի պայմաններում։

Երկրորդ խաղակեսում «Արսենալը» պարզապես տպավորիչ ֆուտբոլ ցուցադրեց` հաղթելով 3:1 հաշվով։

«Զինագործների» կազմից երկորդ կեսում աչքի ընկան Գաբի Ժեզուսն ու Գրանիտ Ջական։

Նշենք, որ 62-րդ րոպեից էլ «խցանները» խաղում էին 10 ֆուտբոլիստներով. կոպիտ խաղի համար կարմիր քարտով պատժվեց Էմերսոն Ռոյալը։

Այս հաղթանակից հետո «զինագործները» վաստակեցին 21 միավոր և շարունակում են գլխավորել Պրեմիեր լիգայի մրցաշարային աղյուսակը։

«Տոտենհեմը», Պրեմիեր լիգայի ընթացիկ խաղարկությունում կրելով առաջին պարտությունը, մնաց 17 միավորով և զբաղեցնում է 3-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023