Սիմեոնե․ «Ռեալն ու Բարսան ցանկանում են լինել այնտեղ, որտեղ մենք ենք»

Իսպանական Լա լիգայի 27-րդ տուրի շրջանակում առաջնության առաջատար «Ատլետիկո Մադրիդը» հյուրընկալվելիս չկարողացավ կոտրել «Խետաֆեի» դիմադրությունը․ գրանցվեց 0։0 հաշիվը։

Խաղից հետո «Ատլետիկոյի» գլխավոր մարզիչ Դիեգո Սիմեոնեն խոսել է մադրիդյան ակումբի վրա տիրող ճնշման մասին․

«Այս ամենը նորմալ է։ Մենք գրեթե միշտ եղել ենք բարձունքում։ Մնացել է անցկացնել ևս 11 հանդիպում։

Մարդիկ ասում էին, որ «Բարսելոնան» վատ տեսք ունի, սակայն դուք տեսա՞ք, թե նրանք ինչ արեցին Փարիզում (խմբ․՝ ՊՍԺ 1։1 «Բարսելոնա»)։ Նրանք նոր նախագահ ունեն և նրանց շուրջ աղմուկն ավելի է մեծանում։

«Ռեալն» էլ իր խաղերում մշտապես միավորներ է հավաքում։

Մենք աշխատանք ունենք կատարելու և պետք է շարունակենք մեր ճանապարհը։ «Ատլետիկոյի» hետևից գալիս են երկու հրեշներ, որոնք ցանկանում են լինել այնտեղ, որտեղ մենք ենք»,- նշել է արգենտինացի մասնագետը, ում խոսքերը մեջբերում է Marca-ն։

Հիշեցենք, որ ներկա պահին «հնդկացիները» Լա լիգայի շրջանակում վաստակել են 63 միավոր և շարունակում են գլխավորել մրցաշարային աղյուսակը՝ մոտակա հետապնդող «Ռեալին» գերազնացելով 6 միավոր։

«Բարսելոնան», որն ունի 56 միավոր, դեռևս չի անցկացրել 27-րդ տուրի իր հանդիպումը։ Կատալոնական ակումբը մարտի 16-ին՝ Երևանի ժամանակով կեսգիշերից սկսած սեփական հարկի տակ կմրցի «Ուեսկայի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am