Առաջնագծում զոհվել է Ալաշկերտ-2-ի նախկին ֆուտբոլիստը
05/10/2020 - 11:54
Ինչպես գիտեք, սեպտեմբերի 27-ից սկսած արցախա-ադրբեջանական ողջ երկայնքով թեժ մարտեր են ընթանում։
Ինչպես տեղեկացնում է «Ալաշկերտի» մամուլի ծառայությունը, առաջնագծում զոհվել է «Ալաշկերտ-2»-ի նախկին ֆուտբոլիստ Լիպարիտ Դաշտոյանը։ Այդ մասին ակումբը գրել է հետևյալը․
«Ցավալի լուր առաջնագծից:
«Ալաշկերտ-2»-ի նախկին ֆուտբոլիստ Լիպարիտ Դաշտոյանը արիաբար միացավ իրենց կյանքը Հայրենիքին նվիրաբերած Հերոսների շարքին: Ննջիր խաղաղությամբ, Հզոր Զինվո’ր ջան:«Ալաշկերտ» ՖԱ-ն իր խորին ցավակցությունն է հայտնում Դաշտոյանների ընտանիքին և հարազատներին»։
Interfootball.am-ի ողջ անձնակազմը նույնպես միանում է Դաշտոյանների ընտանիքին և հարազատներին։