Ֆլամենգոն մոտ է Լիբերտադորեսի գավաթի եզրափակիչ վերադառնալուն🎥

Ֆլամենգոն մոտ է Լիբերտադորեսի գավաթի եզրափակիչ վերադառնալուն🎥

23/09/2021 - 12:40

Սեպտեմբերի 22-23-ին կայացել են Լիբերտադորեսի գաբաթի կիսաեզրափակիչների առաջին հանդիպումեները։

Կիսաեզրափակիչ առաջին դիմակայությունը «մաքուր» բրազիլական էր. մրցաշարի գործող գավաթակիր «Պալմեյրասը» սեփական հարկի տակ մրցեց «Ատլետիկո Մինեյրոյի» դեմ։

Խաղը հիմնականում անցել է լարված, բայց միևնույն ժամանակ` «Ատլետիկոյի» առավելությամբ, որի ֆուտբոլիստներն ավելի մոտ են եղել հաղթանակ կորզելուն, սակայն հանդիպման 42-րդ րոպեին Հալկը չի կարողացել դիպուկ իրացնել 11-մետրանոց հարվածը. գնդակը դիպավ դարպասաձողին։

Հատկանշական է, որ ողջ հանդիպման ընթացքում կողմերը միմյանց դարպասին կատարել են ընդամենը 1 դիպուկ հարված։

Ամեն դեպքում, խաղն ավարտվել է 0:0 հաշվով։

Եզրափակիչի ուղեգրի ճակատագիրն ակումբները կպարզեն սեպտեմբերի 29-ին կայանալիք պատասխան հանդիպման շրջանակում։

Կիսաեզրափակիչ մյուս դիմակայության շրջանակում մրցեցին մրցաշարի 2019 թ. հաղթող «Ֆլամենգոն» ու Էկվադորը ներկայացնող «Բարսելոնա Գուայակիլը»։

Ինչպես և սպասվում էր, հանդիպումն անցավ «Ֆլամենգոյի» ֆուտբոլիստների առավելությամբ, ովքեր պատասխան խաղից առաջ բավական հարմարավետ առավելություն ստացան` հաղթելով 2:0 հաշվով։

Հանդիպման հերոս դարձավ Բրունո Էնրիկեն, ով դարձավ դուբլի հեղինակ։

Նշենք, որ կողմերի միջև պատասխան հանդիպումը կկայանա սեպտեմբերի 30-ին` Գույայակիլում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor