Սոնի վերադարձը. Տոտենհեմը գերգոլառատ խաղում ջախջախեց Լեսթերին🎥

Սոնի վերադարձը. Տոտենհեմը գերգոլառատ խաղում ջախջախեց Լեսթերին🎥

17/09/2022 - 22:44

Անգլիական Պրեմիեր լիգայի 8-րդ տուրում «Տոտենհեմը» Լոնդոնում մրցեց «Լեսթերի» դեմ։

Կողմերը հանդիպումը բավական հարվածային սկսեցին և արդեն 8-րդ րոպեի դրությամբ փոխանակվել էին խփած մեկական գնդակով։

Նախ 6-րդ րոպեին Յուրի Տիլեմանսը, դիպուկ իրացնելով 11-մետրանոցը, առաջ մղեց «աղվեսներին», ապա 8-րդ րոպեին «խցանների» պատասխան գոլը խփեց Հարի Քեյնը։

Շատ չանցած` 22-րդ րոպեին, հաշվի մեջ առաջ անցավ արդեն «Տոտենհեմը». անկյունայինի խաղարկումից հետո աչքի ընկավ Էրիկ Դայերը` եզրափակելով Իվան Պերիշիչի կատարած փոխանցումը։

Այդուհանդերձ, նախքան ընդմիջում Բրենդան Ռոջերսի թիմը կարողացավ հավասարեցնել հաշիվը. 41-րդ րոպեին հյուրերը նետվեցին արագ հակագրոհի, որն ընթացքից կատարած հիանալի հարվածով եզրափակեց Ջեյմս Մեդիսոնը։

Ամեն դեպքում, կողմերն ընդմիջման գնացին 2:2 հաշվի պայմաններում։

Երկրորդ խաղակեսում Անտոնիո Կոնտեի թիմը պարզապես ֆանտաստիկ ֆուտբոլ ցուցադրեց ու մրցակցի դարպասն ուղարկեց 4 անպատասխան գնդակ` հաղթելով 6:2 հաշվով։

Երկրորդ կեսում փայլեց Հին Մին Սոնը, ով դարձավ հեթ-տրիկի հեղինակ։

Նշենք, որ հարավկորեացի վինգերը Պրեմիեր լիգայի ընթացիկ խաղարկությունում խփեց առաջին գոլերը։

Լոնդոնյան ակումբի կազմից մեկ անգամ էլ գոլի հեղինակ դարձավ Ռոդրիգո Բենտանկուրը։

Այսպիսով, «Տոտենհեմը» վաստակեց 17 միավոր` բարձրանալով 2-րդ հորիզոնական։

Նույնքան միավոր ունի նաև «Մանչեսթեր Սիթին», սակայն «քաղաքաբնակները» լրացուցիչ ցուցանիշներով գլխավորում են մրցաշարային աղյուսակը։

Ինչ վերաբերում է «Լեսթերին», «աղվեսները» կատարելապես ձախողում են ընթացիկ մրցաշրջանի մեկնարկը և անցկացրած 7 խաղից հետո վաստակել են ընդամենը 1 միավոր ու զբաղեցնում են վերջին` 20-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022