Սալահն իսպանական գրանդին խոստացել է 2023 թ. ամռանն անվճար համալրել նրա շարքերը

Սալահն իսպանական գրանդին խոստացել է 2023 թ. ամռանն անվճար համալրել նրա շարքերը

05/06/2022 - 14:42

«Լիվերպուլի» վինգեր Մոհամեդ Սալահը, հնարավոր է, 2022/23 մրցաշրջանի ավարտից հետո հեռանա մերսիսայդյան ակումբից։

Եգիպտացի հարձակվողի ու «կարմիրների» միջև գործող պայմանագիրն ավարտվում է 2023 թ. հունիսի 30-ին, իսկ երկարաձգման շուրջ բանակցություններ դեռ չեն սկսվել։

Ինչպես տեղեկացնում է Mirror-ը, 29-ամյա ֆուտբոլիստի հաջորդ հավանական ակումբը «Բարսելոնան» է, որի ղեկավարությանը նա խոստացել է 2023 թ. ամռանն անվճար համալրել կատալոնական ակումբի շարքերը։

Բանն այն է, որ «Բարսելոնայի» հետ բանակցությունների գործոնը հիմնական պատճառն է, որ Սալահը երկմտում է նոր պայմանագիր կնքել «Լիվերպուլի» հետ։

Ավելի վաղ հաղ կային խոսակցություններ, որ «Լիվերպուլի» ղեկավարության և Սալահի միջև վերջին 6 ամսում չի եղել որևէ բանակցություն։

Վերջին անգամ, երբ կողմերը քննարկել են պայմանագրի երկարաձգման հարցը, աղբյուրի փոխանցմամբ, հսկայական տարբերություն է եղել Սալահի առաջարկած աշխատավարձի չափի և ակումբի պատրաստակամության միջև:

Հիշեցնենք, որ Մոհամեդ Սալահը «Լիվերպուլում» հանդես է գալիս 2017 թ. հուլիսից, որի կազմում մինչ օրս անցկացրել է 254 հանդիպում` դառնալով 156 գոլի և 63 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022