Պաշտոնական. Ֆիլիպե Կոուտինիոն փոխեց ակումբային գրանցումը

Պաշտոնական. Ֆիլիպե Կոուտինիոն փոխեց ակումբային գրանցումը

07/01/2022 - 14:14

Ինչպես տեղեկացնում է «Աստոն Վիլլայի» պաշտոնական կայքը, ակումբը վարձակալել է «Բարսելոնայի» կիսապաշտպան Ֆիլիպե Կոուտինիոյին։

Կողմերի միջև վարձակալական պայմանագիրը նախատեսված է մինչև 2022 թ. հունիսի 30-ը, որի ավարտից հետո Բիրմինգհեմը ներկայացնող ակումբն ունենալու է բրազիլացի ֆուտբոլիստին գնման իրավունք։

Հաղորդվում է, որ «Վիլլան» վճարելու է 29-ամյա աշխատավարձի մի մասը, որի չափը չի բարձրայանվում։

Հանարահայտ ինսայդեր Ֆաբրիցիո Ռոմանոն Instagram-ի իր էջում գրում է, որ Կոուտինիոն առաջիկա ժամերին կմեկնի Բիրմինգհեմ, որպեսզի բուժզննում անցնի և ավարտին հասցնի իր տեղափոխությունը, սակայն մինչ այդ նա Մեծ Բրիտանիայի կառավարությունից պետք է ստանա աշխատանքի իրավունք։

Հատկանշական է, որ «Բարսելոնան», վարձավճարով բաց թողնելով Կոուտինիոյին, կկարողանա հայտավորել նաև թիմի նորեկ Ֆերրան Տորեսին։

Նշվում է նաև, որ Կոուտինիոն Պրեմիեր լիգան ներկայացնող 3 այլ ակումբներից նույնպես ունեցել է առաջարկներ, սակայն այս տրանսֆերի կայացման հարցում վճռորոշ դեր է խաղացել բրազիլացի կիսապաշտպանի նախկին խաղընկեր Սթիվեն Ջերարդը, ով ներկայումս «Ատսոն Վիլլայի» գլխավոր մարզիչն է։

Այսպիսով, Ֆիլիպե Կոուտինիոն 4 տարի անց վերադարձավ անգլիական Պրեմիեր լիգա, որի շրջանակում հանդես է եկել 2013-2018 թթ. (152 հանդիպում 41 գոլ և 37 գոլային փոխանցում)` պաշտպանելով «Լիվերպուլի» գույները։

Հիշեցնենք, որ Ֆիլիպե Կոուտինիոն «Բարսելոնայի» շարքերը համալրել էր 2018 թ. հունվարին, և սա արդեն նրա երկրորդ վարձակալական տրանսֆերն է` որպես կատալոնական ակումբի ֆուտբոլիս։

29-ամյա ֆուտբոլիստը 2019/20 մրցաշրջանն անցկացրել է «Բավարիայի» կազմում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022