Մոնցան թրիլլերային խաղում հաղթեց Պիզային` առաջին անգամ նվաճելով Ա սերիայի ուղեգիր🎥

Մոնցան թրիլլերային խաղում հաղթեց Պիզային` առաջին անգամ նվաճելով Ա սերիայի ուղեգիր🎥

30/05/2022 - 01:21

Իտալական Բ սերիայի փլեյ-օֆֆ-ի պատասխան հանդիպման շրջանակում «Մոնցան» «Արենա Գարիբալդի» մարզադաշտում» հյուրընկալվելիս մրցեց «Պիզայի» դեմ։

Հիշեցնենք, որ դիմակայության առաջին խաղում «Մոնցան» հաղթել էր 2:1 հաշվով։

Ինչ վերաբերում է պատասխան հանդիպմանը, ապա «Պիզան» պարզապես սառը ցնցուղ էր պատրաստել մրցակցի համար ու արդեն 1-ին րոպեին բացեց, իսկ 9-րդ րոպեին` կրկնապատկեց հաշվի տարբերությունը. աչքի ընկան համապատասխանաբար Էրնեստո Տորեգրոսան ու Հյորտուր Հերմանսոնը։

Այդուհանդերձ, Ջովանի Ստրոպայի թիմը հանդիպման նման մեկնարկից չընկճվեց և Խոսե Մաչինի ջանքերով 20-րդ րոպեին մեկ գնդակ հետ բերեց` կրճատելով հաշվի տարբերությունը։

Հանդիպման մնացած ժամանակահատվածում էլ տանտերերը շատ ավելի լավ տեսք ունեին և կարող էին մեծացնել իրենց առավելությունը, սակայն 79-րդ րոպեին «Մոնցան» բազմաքայլ գեղեցիկ գրոհ զարգացրեց, որը եզրափակեց Քրիստիան Գյուտկյերը, ինչից հետո հաշիվը դարձավ 2:2։

Թվում էր` հանդիպումը կավարտվի ոչ-ոքի արդյունքով, սակայն «Պիզային» հաջողվեց 90-րդ րոպեին գոլի հեղինակ դառնալ ու խաղը տեղափոխել լրացուցիչ ժականակ. հեռահար հարվածով հիանալի գոլի հեղինակ դարձավ Ջուզեպե Մաստինուն։

Լուկա Դ’Անջելոյի թիմը հանդիպման հիմանական ժամանակում հաղթեց 3:2 հաշվով, ինչից հետո ընդհանուր դիմակայության հաշիվը դարձավ 4:4, իսկ խաղը շարունակցեց լրացուցիչ ժամանակում։

Լրացուցիչ ժամանակում հյուրերը կարողացան գլխիվայր շրջել հանդիպման ընթացքը, ովքեր ոչ միայն հավասարեցրին, այլև շատ արագ նաև առաջ անցնան հաշվի մեջ. 96-րդ րոպեին գոլի հեղինակ դարձավ Լուկա Մարոնեն, իսկ 101-րդ րոպեին` Քրիստիան Գյուտկյերը։

Այսպիսով, «Մոնցան» այս խաղում հաղթեց 4:3, իսկ ընդհանուր դիմակայությունում` 6:4 հաշվով և պատմության մեջ առաջին անգամ նվաճեց Ա սերիայի ուղեգիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022