Լյորիսը Մանչեսթեր Սիթիի դեմ խաղի մասին. Ֆուտբոլն երբեմն լինում է գժական

Լյորիսը Մանչեսթեր Սիթիի դեմ խաղի մասին. Ֆուտբոլն երբեմն լինում է գժական

18/04/2019 - 14:06

«Տոտենհեմի» դարպասապահ Ուգո Լյորիսը խոսել է Չեմպիոնների լիգայի 1/4 եզրափակչի պատասխան խաղում «Մանչեսթեր Սիթիի» հետ հանդիպման մասին (4:3):

«Ֆուտբոլը երբեմն լինում է գժական: Էմոցիաների տեսանկյունից եղան շատ թռիչքներ և անկումներ:

Կարծում եմ, որ վերջին հաշվով մեծ նշանակություն ունեցավ առաջին խաղը: Մեզ համար շատ կարևոր էր բաց չթողնել և հենց դա էլ մեզ օգնեց անցնել կիսաեզրափակիչ:

Եթե վերլուծենք 1-ին խաղակեսը, ապա մենք կարող էինք ավելի լավ վարել խաղը: Այս փուլում չի կարելի անջատվել: Երևի հենց դա էլ տեղի ունեցավ, երբ խփեցինք երկրորդ գոլը: Բայց մենք դեռ սովորում ենք:

Սա շատ լավ հնարավորություն է ակումբի և շատ ֆուտբոլիստների համար, քանի որ մենք սովոր չենք խաղալ Չեմպիոնների լիգայի այս փուլում:

Բայց մենք ցույց տվեցինք բնավորություն և մեր անձնական որակները: Երկրորդ խաղակեսում մեզ համար շատ դժվար էր, բայց մենք մնացինք խաղի մեջ և պահպանեցինք հավատը»,- Լյորիսի խոսքերն է մեջբերում ՈւԵՖԱ-ի պաշտոնական կայքը:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022