Ինտերը 120+1-րդ րոպեին հաղթանակ կորզեց Յուվեից` նվաճելով Սուպերգավաթը🎥

Ինտերը 120+1-րդ րոպեին հաղթանակ կորզեց Յուվեից` նվաճելով Սուպերգավաթը🎥

13/01/2022 - 02:47

Իտալիայի Սուպերգավաթի շրջանակում «Ինտերը» Միլանի «Ջուզեպե Մեացա» մարզադաշտում մրցեց «Յուվենտուսի» դեմ։

Առաջ անցնելով` նշենք, որ հանդիպումը բավական դրամատիկ ավարտ ունեցավ, իսկ «Ինտերը» 120+1-րդ րոպեին հաղթանակ կորզեց։

Հանդիպման հիմնական ժամանակն ավարտվեց 1:1 հաշվով. նախ 25-րդ րոպեին արքի ընկավ Վեսթոն Մաքենին և առաջ մղեց «Յուվենտուսին», ապա 35-րդ րոպեին միլանյան ակումբի կազմից Լաուտարո Մարտինեսը դիպուկ իրացրեց 11-մետրանոց հարվածն ու հաշիվը դարձրեց 1:1։

Երբ թվում էր` հանդիպման լրացուցիչ ժամանակը նույնպես կավարտվի 1:1 հաշվով, 120+1-րդ րոպեին «ներաձուրիները» վերջին գրոհը վերածեցին դարպասի գրավման, իսկ հերոսացավ Ալեքսիս Սանչեսը, ով էլ դրամատիկ հաղթանակ պարգևեց «Ինտերին»։

Այսպիսով, «Ինտերը» 2:1 հաշվով հաղթեց «Յուվենտուսին»` իր պատմության մեջ 6-րդ անգամ դառնալով Իտալիայի Սուպերգավաթակիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022