Թրիլլեր AFCON-ում. Գվինեան 90+8-րդ րոպեին հաղթանակ կորզեց Հասարակածային Գվինեայի դեմ խաղում🎥
28/01/2024 - 23:23
Աֆրիկայի ազգերի գավաթի 1/8 եզրափակիչում Գվինեան Աբիջանի «Ալասանե Օուտարա» մարզադաշտում մրցեց Հասարակածային Գվինեայի դեմ։
Հանդիպումն անցավ բավական համառ և լարված պայքարում, որը դրամատիկ ավարտ ունեցավ. Գվինեան 90+8-րդ րոպեին 1:0 հաշվով հաղթանակ կորզեց։
Կաբա Դիավարայի թիմին հաղթանակ պարգևեց Մոհամեդ Բայոյի խփած գոլը։
Նշենք, որ 0:0 հաշվի ժամանակ 68-րդ րոպեին Հասարակածային Գվինեայի հարձակվող Էմիլիո Նսուեն չկարողացավ աչքի ընկնել 11-մետրանոցից. գնդակը դիպավ դարպասաձողին։
Այսպիսով, Գվինեան դուրս եկավ Աֆրիկայի ազգերի գավաթի 1/4 եզրափակիչ, որի շրջանակում կմրցի Եգիպտոս – Կոնգոյի Դեմոկրատական Հանրապետություն դիմակայության հաղթողի դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am