Դինամո Զագրեբի ֆուտբոլիստին դաշտից հեռացրել են 11-մետրանոցը սխալ իրացնելու համար🎥

Դինամո Զագրեբի ֆուտբոլիստին դաշտից հեռացրել են 11-մետրանոցը սխալ իրացնելու համար🎥

18/12/2021 - 19:35

Դեկտեմբերի 15-ին Խորվաթիայի առաջնության շրջանակում կայացել է 4-րդ տուրից հետաձգված «Իստրա 1961» – «Դինամո Զագրեբ» հանդիպումը. մայրաքաղաքային ակումբը հաղթել է 2:0 հաշվով։

Այդ հանդիպման վերջնամասում արտասովոր դեպք է գրանցվել։ «Դինամոյի» ֆուտբոլիստները 89-րդ րոպեին վաստակել են 11-մետրանոց հարված, իսկ նշակետին մոտեցել է հարձակվող Բրունո Պետկովիչը, ով դարձել է գոլի հեղինակ։

Այդուհանդերձ, հանդիպման գլխավոր մրցավար Դույե Ստրուկանը ոչ միայն չի արձանագրել դարպասի գրավումը, այլև Պետկովիչին հեռացրել է դաշտից` ցույց տալով նրան երկրորդ դեղին քարտը։

Բանն այն է, որ 27-ամյա հարձակվողը հարվածը կատարելուց առաջ ավելորդ դադար է պահել, ինչն ապակողմնորոշել է «Իստրայի» դարպասապահ Գոնսալո Կոլաոյին։

Հատկանշական է, որ 11-մետրանոցի դրվագում էլ կարմիր քարտով էր պատժվել նաև տանտերերի դարպասպահ Իվան Լուչիչը, իսկ Կոլաոն դուրս էր եկել փոխարինման։

Ամեն դեպքում, 90+8-րդ րոպեին Ստեֆան Ռիստովսկիի ջանքերով «Դինամոյին» հաջողվեց կրկնապատկել հաշիվն ու հաղթել 2:0 հաշվով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022