Բավարիայի կիսապաշտպանը կարիերան կշարունակի Լիդսի կազմում

Բավարիայի կիսապաշտպանը կարիերան կշարունակի Լիդսի կազմում

17/06/2022 - 11:29

«Բավարիայի» կիսապաշտպան Մարկ Ռոկան շուտով կդառնա «Լիդսի» ֆուտբոլիստ։

Ինչպես հայտնում է ինսայդեր Ֆաբրիցիո Ռոմանոն, իսպանացի կիսապաշտպանի տրանսֆերի հարցում երկու ակումբները հասել են վերջնական համաձայնության. «Լիդսը» Ռոկայի գործարքի դիմաց «Բավարիային» կվճարի 12 մլն եվրո, որին հետագայում ավելանալու են նաև տարբեր հավելավճարներ։

25-ամյա ֆուտբոլիստը յորքշիրյան ակումբի հետ կնքելու է 4 տարվա պայմանագիր` մինչև 2026 թ. հունիսի 30-ը։

Ռոմանոն Twitter-ի իր միկրոբլոգում գրում է նաև, որ Ռոկան այսօր` հունիսի 17-ին, բուժզննում կանցնի «Լիդսի» համար, ինչից հետո կստորագրի նախատեսված պայմանագիրը։

Հավելենք, որ Մարկո Ռոկան «Բավարիայում» հանդես էր գալիս 2020 թ. հոկտեմբերից, որի կազմում անցկացրել է 24 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022