Այաքսի ֆուտբոլիստը ճնշում է գործադրում, որպեսզի ակումբն իրեն թույլ տա տեղափոխվել Բարսելոնա

Այաքսի ֆուտբոլիստը ճնշում է գործադրում, որպեսզի ակումբն իրեն թույլ տա տեղափոխվել Բարսելոնա

23/01/2022 - 17:44

«Այաքսի» եզրային պաշտպան Նիկոլաս Տալյաֆիկոն, հնարավոր է, կարիերան շարունակի «Բարսելոնայի» կազմում։

Ինչպես տեղեկացնում է հանարահայտ ինսայդեր Ֆաբրիցիո Ռոմանոն, կատալոնական ակումբը լրջորեն հետաքրքրված է արգենտինացի լատերալի ծառայություններով, սակայն «բլաուգրանասը» ներկա պահին պատրաստ է միայն վարձակալել 29-ամյա պաշտպանին, իսկ «Այաքսը» ցանկանում է վաճառել նրա տրանսֆերային ամբողջական իրավունքները։

Ինքը` Տալյաֆիկոն, նույնպես ցանկանում է համալրել «Բարսելոնայի» շարքերը և այժմ ճնշում է գործադրում Ամստերդամը ներկայացնող ակումբի ղեկավարության վրա, որպեսզի իրեն թույլ տան վարձավճարով փոխել ակումբային գրանցումը, քանի որ կարծում է, որ սա հիանալի հնարավորություն է գրանդ ակումբի կազմում իրեն դրսևորելու համար։

Հավելենք, որ Նիկոլաս Տալյաֆիկոն «Այաքսի» կազմում հանդես է գալիս 2018 թ. հունվարից և մինչ օրս ակումբի մարզաշապիկով անցկացրել է 154 հանդիպում` դառնալով 15 գոլի և 20 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022