Ազգերի լիգա. Սլովենիան խոշոր անակնկալ մատուցեց` հաղթելով Նորվեգիային🎥

Ազգերի լիգա. Սլովենիան խոշոր անակնկալ մատուցեց` հաղթելով Նորվեգիային🎥

24/09/2022 - 23:04

Ազգերի լիգայի B դիվիզիոնի 4-րդ խմբի 5-րդ տուրում Սլովենիայի հավաքականը Լյուբլյանիայի «Ստոժիցե» մարզադաշտում մրցեց Նորվեգիայի ընտրանու դեմ։

Գոլազուրկ առաջին կեսցի հետո երկրորդ խաղակեսի հենց մեկնարկում` 47-րդ րոպեին, Էլրինգ Հալանդը բացեց հանդիպման հաշիվն ու առաջ մղեց «վիկինգներին»։

Այդուհանդերձ, Սլովակիայի հավաքականը կարողացավ ոչ միայն հավասարեցնել հաշիվը, այլև հաղթանակ կորզել։

Մատիաժ Կեկի թիմի կազմից նախ 69-րդ րոպեին աչքի ընկավ Անդրաս Սպորարը, ապա 81-րդ րոպեին` Բենյամին Շեշկոն։

Նշենք, որ Շեշկոն խփած գոլին ավելացրեց նաև գոլային փոխանցում։

Հավելենք, որ սլովենացիներն Ազգերի լիգայի ընթացիկ խաղարկությունում տոնեցին առաջին հաղթանակը, ինչից հետո B դիվիզիոնի 4-րդ խմբում վաստակեցին 5 միավոր` բարձրանալով 3-րդ հորիզոնական։

Նորվեգիան, 10 միավորով, շարունակում է գլխավորել խմբի մրցաշարային աղյուսակը։

Այս խմբում ընդգրկված են նաև Սերբիայի և Շվեդիայի հավաքականները, որոնք իրենց ակտիվում ունեն համապատասխանաբար 7 և 3 միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022