Չեմպիոնների լիգայի պատմության մեջ ամենաերիտասրդ ֆուտբոլիստը 🎥📸
«Արսենալից» Մաքս Դոումանը դարձել է Չեմպիոնների լիգայի պատմության մեջ ամենաերիտասարդ ֆուտբոլիստը, հայտնում է մրցաշարի մամուլի ծառայությունը։
Պրահայի «Սպարտայի» դեմ Լիգայի փուլի չորրորդ տուրում անգլիացի կիսապաշտպանը հանդիպմանը (3-0) մասնակցել է 15 տարեկան և 308 օրականում` փոխարինման մտնելով 73-րդ րոպեին։
Պատանի ֆուտբոլիստը գերազանցել է Դորտմունդի «Բորուսիայի» նախկին հարձակվող Յուսուֆա Մուկոկոյի ռեկորդը, որը Չեմպիոնների լիգայում իր առաջին հանդիպմանը մասնակցել էր 16 տարեկան և 18 օրականում։
«Բարսելոնայի» վինգեր Լամին Յամալն էլ 16 տարեկան և 68 օրականով երրորդ տեղում է այդ ցուցանիշով։
Դոումանը «Արսենալի» համակարգում է դեռ 2015 թվականից ու հիմնականում հանդես է գալիս լոնդոնյան գրանդի Մ19 թիմում։ Նա ակումբի գլխավոր թիմում երկրորդ հանդիպումն է անցկացրել։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Արսենալ, Բարսելոնա, Լամին Յամալ, Մաքս Դոուման, Յուսուֆա Մուկոկո, Չեմպիոնների-լիգա