Նապոլիի անհավանական ֆիասկոն! Ֆրոզինոնեն ջախջախեց «աձուրիներին»` դուրս գալով Իտալիայի գավաթի 1/4 եզրափակիչ 🎥
20/12/2023 - 11:04
Իտալիայի գավաթի 1/8 եզրափակիչում «Նապոլին» սեփական հարկի տակ մրցեց «Ֆրոզինոնեի» դեմ։
Գոլազուրկ առաջին կեսից հետո երկրորդ խաղակեսում նեապոլիտանական ակումբը կատարյալ ֆիասկոյի ենթարկվեց` կրելով 0:4 հաշվով պարտություն։
Հյուրերի կազմցի մեկական գոլ խփեցին Էնցո Բարենեչեան, Ջուզեպե Կազոն, Վալիդ Չեդիրան ու Աբդու Հարուին։
Այսպիսով, Էուսեբիո Դի Ֆրանչեսկոյի թիմը նվաճեց Իտալիայի գավաթի 1/4 եզրափակիչի ուղեգիր, որի շրջանակում մրցելու է «Յուվենտուս» – «Սալերնիտանա» դիմակայության հաղթողի դեմ։
Վերոնշյալ հանդիպումը կայանալու է հունվարի 4-ին։
Հավելենք, որ «Ֆրոզինոնեն» պատմության մեջ առաջին անգամ է հանդես գալու Իտալիայի գավաթի 1/4 եզրափակիչում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am