Հայտնի է` ով է նշանակվելու Բելգիայի հավաքականի նոր գլխավոր մարզիչ

Բելգիայի ազգային հավաքականի նոր գլխավոր մարզիչ է նշանակվելու Ռուդի Գարսիան, հայտնում է ինսայդեր Ֆաբրիցիո Ռոմանոն։

Կողմերը հունվարի 23-ի երեկոյան պայմանագիր են կնքել։ Բելգիայի հավաքականի մամուլի ծառայությունը հունվարի 24-ին տեղի ժամանակով 13:00-ին պաշտոնապես կհաստատի նշանակման մասին։

Հիշեցնենք, որ օրեր առաջ «կարմիր սատանաների» գլխավոր մարզչի պաշտոնից ազատվել էր իտալացի մասնագետ Դոմենիկո Տեդեսկոն։

60-ամյա ֆրանսիացի Ռուդի Գարսիան նախկինում հավաքական չի մարզել։ Նա ժամանակին գլխավորել է «Նապոլին», «Ռոման», «Լիոնը», «Մարսելը», «Լիլը», «Ալ Նասրը», «Լե Մանը», «Դիժոնը», «Սենթ Էթիենը»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից