Հալանդ. «Սիթին «մենք» ենք, ոչ թե «ես»»

Անգլիական Պրեմիեր լիգայի 12-րդ տուրից հետաձգված խաղում «Մանչեսթեր Սիթին» հյուրընկալվելիս 3:1 հաշվով հաղթեց «Արսենալին»։

Հանդիպումից հետո իր տպավորություններով է կիսվել «քաղաքաբնակների» հարձակվող Էրլինգ Հալանդը.

««Սիթին» «մենք» ենք, ոչ թե «ես»։ Մենք չեմպիոնակամ հանդիպում անցկացրինք. այդպես կարող եմ ասել։

Ընդմիջմանը Պեպը որոշակի վերադասավորումներ կատարեց։ Վերջիվերջո, մենք բարձրակարգ ֆուտբոլիստներ ունենք, և մենք պետք է նրանցից առավելագույնը քաղենք, ինչն էլ արեցինք։

Մենք պետք է հաճախ նման ֆուտբոլ ցուցադրենք։ Ես հպարտանում եմ մեզնից յուրաքանչյուրով և երջանիկ եմ, որ այստեղ եմ։

Բոլորս համաձայն ենք, որ ընթացիկ մրցաշրջանում «Արսենալը» լավագույն թիմն էր, որի դեմ խաղացել ենք, սակայն, ամեն դեպքում, կարևոր 3 միավոր վաստակեցինք։ Մենք կրկին պայքարի մեջ ենք»,- նորվեգացի հարձակվողի խոսքերը մեջվերում է BBC-ն։

Նշենք, որ այս հաղթանակից հետո «քաղաքաբնակները» վաստակեցին 51 միավոր և լրացուցիչ ցուցանիշներով դարձան Պրեմիեր լիգայի առաջատարը. «Արսենալը» նույնպես իր ակտիվում նույնաան միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am