Եվրո-2020 -ի երրորդ տուրի լավագույն ֆուտբոլիստն` ըստ Interfootball-ի հետևորդների

Եվրո-2020-ի շրջանակում ավարտվել է խմբային փուլը և, ավանդույթի համաձայն, ամփոփում ենք տուրի լավագույնին։

Հունիսի 23-ին, երբ ավարտվեց մրցաշարի խմբային փուլի վերջին` 3-րդ տուրը, Interfootball-ի Telegram-ի պաշտոնական ալիքում հարցում տեղադրվեց, որպեսզի պարզենք այդ տուրի լավագույն ֆուտբոլիստին։

Քվեարկությունն անչափ թեժ է անցել հիմնականում երկու ֆուտբոլիստների միջև։ Խոսքը Կրիշտիանու Ռոնալդուի և Լուկա Մոդրիչի մասին է։

Ամեն դեպքում, վճռորոշ է դարձել ընդամենը 1 ձայնը, ինչի արդյունքում Եվրո-2020-ի 3-րդ տուրի լավագույն ֆուտբոլիստ է ճանաչվել Խորվաթիայի հավաքականի ավագը, ով ստացել է ձայների 27%-ը։

Մոդրիչը Շոտլանդիայի դեմ խաղում (3:1) դարձել է գոլի և գոլային փոխանցման հեղինակ` օգնելով իր թիմին մրցաշարի D խմբում զբաղեցնել 2-րդ հորիզոնականը։

Կրիշտիանու Ռոնալդուն էլ, ստացած 26% ձայնով, զբաղեցրել է 2-րդ հորիզոնականը։

36-ամյա հարձակվողը Ֆրանսիայի դեմ խաղում (2:2), երկու անգամ դիպում իրացնելով 11-մետրանոց հարվածը, ոչ միայն Պորտուգալիայի հավաքականին ոչ-ոքի կորզել, այլև դարձել է դուբլի հեղինակ ու խփած 5 գոլով գլխավորել մրցաշարի լավագույն ռմբարկուների ցուցակը։

3-րդ հորիզոնականը, ձայների 17%-ով, եզրափակել է Ֆրանսիայի հավաքականի հարձակվող Կարիմ Բենզեման, ով Ֆրանսիա 2:2 Պորտուգալիա վերոնշյալ խաղում նույնպես դարձել է դուբլի հեղկնակ։

Առաջարկված մյուս թեկնածուները բաշխվել են հետևյալ հաջորդականությամբ.

4. Մեմֆիս Դեպայ (Հոլանդիա, 9%)

5. Ժորժինիո Վեյնալդում (Հոլանդիա, 8%)

6. Շկեդրան Շաքիրի (Շվեյցարիա, 6%)

7. Պաբլո Սարաբիա (Իսպանիա, 3%)

8. Սթիվեն Ցուբեր (Շվեյցարիա, 2%)

9-10. Պիեր-Էմիլ Հոյբերգ (Դանիա, 1%)

9-10. Անդրեաս Քրիստիենսեն (Դանիա, 1%)

Միացեք Interfootball-ի Telegram-ի ալիքին այս հղումով https://t.me/Interfootball_am, որպեսզի մասնակցեք անցկացվող մյուս հարցումներին։