Վինիսիուս. Բարսելոնան ավելի շատ գումար էր առաջարկում, բայց ես ընտրեցի Ռեալը
20/03/2019 - 15:26
«Ռեալի» հարձակվող Վինիսիուս Ժունյորը պատմել է, թե ինչպես է հայտնվել Մադրիդում:
«Իմ հայրն ինձ երբեք չէր ասել այլ ակումբների հետաքրքրության մասին, մինչև չհայտնվեցին «Բարսելոնան» և «Ռեալը»: Մենք այցելեցինք երկու ակումբները և երկուսն էլ ինձ դուր եկան:
«Բարսելոնան» ավելի շատ գումար էր առաջարկում, բայց մենք ավելի լավ պրոեկտ էին փնտրում: Մարսելոն ու Կազեմիրոն ինձ հետ խոսեցին ու օգնեցին ճիշտ ընտրություն կատարել:
«Ռեալում» ամեն ինչ արագ է դասավորվում: Մարսելոն և Կազեմիրոն ասում էին, որ այստեղ ամեն բան արագ է տեղի ունենում:
Ժամանակին ոչ ոք չէր կարող մտածել, որ ես Բրազիլիայից դուրս կխաղամ:
Ես աստիճանաբար ապաքինվում եմ և ուզում եմ ինչքան հնարավոր է շուտ վերադառնամ: Հուսով եմ՝ կսկսեմ խաղալ մինչև մրցաշրջանի ավարտը»,- ասել է Վինիսիուսը Cadena SER-ի եթերում: