Կարապետյանի և Անգուլոյի առաջին գոլերը․ Արարատ-Արմենիան տարին մեկնարկեց հաղթանակով🎥

Կարապետյանի և Անգուլոյի առաջին գոլերը․ Արարատ-Արմենիան տարին մեկնարկեց հաղթանակով🎥

21/02/2021 - 17:39

VBet Հայաստանի Պրեմիեր լիգայի շրջանակում կայացավ 6-րդ տուրից հետաձգված «Արարատ-Արմենիա» – «Փյունիկ» հանդիպումը։

Կարելի է ասել, որ Եղիշե Մելիքյանի սաները հանդիպումը սկսեցին մեկ գնդակի առավելությամբ, քանի որ 8-րդ րոպեին «Փյունիկին» առաջ մղեց Նիկիտա Տատարկովը։

Բաց թողած գոլից հետո «Արարատ-Արմենիայի» ֆուտբոլիստներն ունեին առավելություն և նախքան ընդմիջման գնալը հաջողվեց վերականգնել հաշվի հավասակշռությունը։ 45+2-րդ րոպեին Ֆուրջել Նարսինգի կատարած փոխանցումից հետո լուսատախտակին 1։1 հաշիվը վառեց «Արարատ-Արմենիայի» նորեկ Ալեքսանդր Կարապետյանը՝ VBet Պրեմիեր լիգայի շրջանակում խփելով իր առաջին գնդակը։

51-րդ րոպեին Դավիդ Կամպանիայի թիմը շարունակեց իր հաջողությունը՝ առաջ անցնելով հաշիվ մեջ, իսկ գոլի հեղինակ դարձավ «Արարատ-Արմենիայի» ևս մեկ նորեկ Վբեյմար Անգուլոն։

Ինչպես հետագայում պարզվեց, Անգուլոյի գոլը կամային հաղթանակ պարգևեց «Արարատ-Արմենիային», ինչը հնարավորություն տվեց ակումբին վաստակել 21 միավոր և վերադառնալ 1-ին հորիզոնական։

21 միավոր է վաստակել նաև «Արարատը», սակայն լրացուցիչ ցուցանիշներով մրցաշարային աղյուսակը գլխավորում է հենց «Արարատ-Արմենիան»։

«Փյունիկը» մնաց 5 միավորով և զբաղեցնում է վերջին՝ 9-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023