ՊՍԺ-ն ցանկանում է երկարաձգել Տուխելի հետ պայմանագիրը

«Պարի Սեն Ժերմենը» ցանկանում է պահել թիմի գլխավոր մարզիչ Թոմաս Տուխելին:

Փարիզյան ակումբի ղեկավարությունը գերմանացի մասնագետին կառաջարկի երկարացնել գործող պայմանգիրը մեկ տարով,- հայտնում է L’Equipe-ը:

Չնայած Չեմպիոնների լիգայի 1/8 եզրափակչից դուրս մնալուն՝ ակումբում նրա աշխատանքից գոհ են:

Գերմանացի մասնագետի պայմանագիրը նախատեսված է մինչև 2020 թվականը. փարիզյան ակումբը ցանկանում է այն ևս 12 ամսով երկարացնել:

Տուխելը «ՊՍԺ»-ն գլխավորել է 2018 թվականի ամռանը՝ ստորագրելով երկու տարով պայմանագիր: