ՊՍԺ-ն հաղթեց. Դի Մարիան՝ ֆանտաստիկ գոլի հեղինակ (տեսանյութ)

Ֆրանսիական Լիգա 1-ի 29-րդ տուրում «Պարի Սեն Ժերմենը» հյուրընկալել էր «Մարսելին»: Փարիզյան թիմը հաղթեց 3:1 հաշվով:

Առաջին խաղակեսի ավելացված ժամանակում Մբապեն բացել է հաշիվը: Երկրորդ խաղակեսի առաջին իսկ րոպեին հյուրերին հաջողվել է հավասարեցնել հաշիվը. գոլ է խփել Ժերմենը:

62-րդ րոպեին «Մարսելի» դարպասապահ Մանդանդան տուգանայինից դուրս ձեռքով է խաղացել և կարմիր քարտով հեռացվել խաղադաշտից:

Մոտ 10 րոպե անց Դի Մարիան դարձյալ առաջ է մղել գործող չեմպիոնին: 66-րդ րոպեին էլ արգենտինացին տուգանայինից շքեղագույն գոլով դուբլ է ձևակերպել:

Ավելացված ժամանակում էլ Մբապեն չի կարողացել հստակ իրացնել 11 մետրանոցը:

Այս հաղթանակից հետո ՊՍԺ-ն 77 միավորով է գլխավորում մրցաշարային աղյուսակը՝ մոտակա հետապնդող «Լիլից» առաջ լինելով 20 միավոր: