Պորտուն լրացուցիչ ժամանակի վերջում խփեց բաղձալի գոլը և հաղթահարեց Ռոմայի արգելքը (տեսանյութ)

Պորտուն լրացուցիչ ժամանակի վերջում խփեց բաղձալի գոլը և հաղթահարեց Ռոմայի արգելքը (տեսանյութ)

07/03/2019 - 02:38

Չեմպիոնների լիգայի 1/8 եզրափակչի պատասխան խաղում «Պորտուն» հյուրընկալել էր «Ռոմային»: Պորտուգալական թիմը հիմնական ժամանակում հաղթեց 2:1 հաշվով հիշեցնենք, որ առաջին խաղում նույն հաշվով հաղթել էին հռոմեացիները:

26-րդ րոպեին Սոարեշը բացել է հաշիվը, իսկ հյուրերը պատասխանել են 37-րդ րոպեին Դե Ռոսիի դիպուկ հարվածով 11 մետրանոցից:

52-րդ րոպեին Մարեգան խփել է հաղթական գոլը:

Լրացուցիչ ժամանակի վերջում՝ 114-րդ րոպեին VAR համակարգի ռեվյուից հետո (117-րդ րոպե)նշանակված 11 մետրանոցը հստակ է իրացրել Տելեսը՝ իր թիմի համար ապահովելով ուղեգիրը ՉԼ-ի քառորդ եզրափակիչ: Հատկանշական է, որ մրցավարը VAR համակարգին է դիմել նաև 120+1-ին րոպեին, բայց 11 մետրանոց «Պորտուի» դարպասին չի նշանակվել:

«Պորտուն» ընդհանուր 4:3 հաշվով հաղթանակի շնորհիվ հաղթահարում է «Ռոմայի» արգելքը:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023