Օզիլն իր հարսանիքին է հրավիրել Էրդողանին

Օզիլն իր հարսանիքին է հրավիրել Էրդողանին

16/03/2019 - 17:23

Մեսութ Օզիլը իր հարսանեկան արարողությանն է հրավիրել Թուրքիայի նախագահ Ռեջեփ Թայիփ Էրդողանին,- հայռտնում է Bild-ը` հղում կատարելով թուրքական ԶԼՄ-ներում շրջանառվող տեղկություններին։

30-ամյա ֆուտբոլիստի և իր 25-ամյա ընկերուհու՝ Ամինե Գյուլշեի հարսանիքը կկայանա այս տարվա ամռանը: Էրդողանը հրավիրված է պատվավոր հյուրի կարգավիճակում:

Օզիլն առաջին անգամ քաղաքական գործչի հետ հանդիպել էր 2018 թվականին, ինչի համար արժանացել էր գերմանական կողմի քննադատությանը: Դրանից հետո ֆուտբոլիստը հայտարարել էր Գերմանիայի հավաքականում իր կարիերան ավարտելու մասին՝ պատճառաբանելով, որ իր վրա կիրառվել է ռասիստական ճնշում:

Մեսութ Օզիլը 2014 թվականին Գերմանիայի հավաքականի կազմում դարձել է աշխարհի չեմպիոն, իսկ նրա ընկերուհին՝ Ամինե Գյուլշեն մոդել և դերասանուհի է, ունի Թուրքիայի և Շվեդիայի քաղաքացիություն:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022