Չելսին չի պատժի Արիսաբալագային

Չելսին չի պատժի Արիսաբալագային

25/02/2019 - 21:54

Անգլիայի Լիգայի Գավաթի խաղարկության եզրափակչի («Չելսի»-«Մանչեսթեր Սիթի», 0:0, 3:4) լրացուցիչ ժամանակում լոնդոնյան թիմի դարպասապահ Կեպա Արիսաբալագայի պահվածքը շարունակում է բրիտանական մարզական մամուլի քննարկման հիմնական թեմաներից մեկը լինել:

Հիշեցնենք, որ թեթև վնասվածք ստացած իսպանացի դարպասապահին գլխավոր մարզիչ Մաուրիցիո Սարին փոխարինելու որոշում էր կայացրել, բայց Կեպան հրաժարվել է լքել խաղադաշտը՝ շարունակելով հանդիպումը: Կատարվածը նյարդայնացրել է մարզչին:

BBC-ն հայտնում է, որ «Չելսիի» ղեկավարությունը չի պատժի դարպասապահին:

Հարկ է նշել, որ հետխաղյա ասուլիսում Սարին խոսել է կատարվածի մասին՝ նշելով, որ ընդամենը տեղի է ունեցել թերըմբռնում: Արիսաբալագան էլ իր հերթին հայտնել է, որ հարգում է Սարիի հեղինակությունը և իրապես պատրաստ է եղել շարունակել հանդիպումը:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022