Կարիուսը բողոքել է աշխատավարձը չստանալու համար

Կարիուսը բողոքել է աշխատավարձը չստանալու համար

14/03/2019 - 12:29

Լորիս Կարիուսը, ում իրավունքները պատկանում են «Լիվերպուլին», «Բեշիքթաշում» բախվել է խնդիրների:

25-ամյա գերմանացու գործակալը հունվարին դիմել էր ՖԻՖԱ՝ պնդելով, որ թուրքական ակումբը չի վճարել իր հաճախորդի 4 ամսվա աշխատավարձը, որը կազմում է մոտ 1 մլն ֆունտ, հայտնում է The Telegraph-ը:

ՖԻՖԱ-ի ներկայացուցիչը հաստատել է, որ Կարիուսի բողոքը հետաքննվում է:

«Մենք կարող ենք հաստատել, որ ստացել ենք հայց Լորիս Կարիուսից ընդդեմ «Բեշիքթաշ» ակումբի:

Հայցը հիմա հետաքննության փուլում է, դրա համար չենք կարող որևէ մեկնաբանություն տալ»,- ասել է ՖԻՖԱ-ի ներկայացուցիչը:

Թուրքական ակումբը ոչ մի կերպ չի մեկնաբանել իրավիճակը:

Ավելի վաղ «Բեշիqթաշի» գլխավոր մարզիչ Շենոլ Գյունեշը հայտարարել էր, որ Կարիուսի հետ ինչ-որ բան այն չէ և նրա մոտ լճացում է:

Գերմանացի դարպասապահը ամռանը «Լիվերպուլից» վարձակալության հիմունքներով տեղափոխվել էր «Բեշիqթաշ»:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022