Յուվենտուսը Ռոնալդուի շնորհիվ խնդիրներ չունեցավ (տեսանյութ)

Իտալական Ա սերիայի 23-րդ տուրում «Յուվենտուսը» հյուրընկալվելիս 3:0 հաշվով հաղթեց «Սասուոլոյին»:

Հանդիպման 23-րդ րոպեին Ռոնալդուի հարվածից հետո դարպասապահը հետ է մղել գնդակը, վրա հասած Խեդիրան այն ուղարկել է դարպասը:

70-րդ րոպեին Ռոնալդուն գլխի հուժկու հարվածով կրկնապատկել է հաշիվը: Հանդիպման հիմնական ժամանակի ավարտից 4 րոպե առաջ Ռոնալդուի փոխանցումից հետո վայրկյաններ առաջ խաղադաշտ մտած Էմրե Ջանը ձևակերպել է վերջնարդյունքը՝ 0:3:

Այս հաղթանակից հետո Մասիմիլիանո Ալեգրիի գլխավորած թիմը 63 միավորով է գլխավորում մրցաշարային աղյուսակը: