Ֆելաինին ավարտեց կարիերան Բելգիայի հավաքականում

Ֆելաինին ավարտեց կարիերան Բելգիայի հավաքականում

08/03/2019 - 14:46

Չինական «Շանդուն Լուենի» կիսապաշտպան Մարուան Ֆելաինին հայտարարել է Բելգիայի հավաքականի կազմում կարիերան ավարտելու մասին:

«12 տարի բարձր մակարդակում Բելգիայի կազմում հանդես գալուց հետո, ես որոշեցի ավարտել հավաքականում իմ կարիերան:

Այս որոշումը կայացնելն ինձ համար հեշտ չէր: Բայց ես զգում եմ, որ եկել է գնալու ժամանակը և պետք է նոր սերնդին թույլ տալ, որ շարունակեն բելգիական ֆուտբոլի համար այս կարևոր ժամանակահատվածը:

Ինձ համար պատիվ էր ներկայացնել իմ երկիրը 87 խաղերում, երկու անգամ մասնակցել աշխարհի և մեկ անգամ Եվրոպայի առաջնություններին:

Ես շատ հիանալի հիշողություններ ունեմ «կարմիր սատանաների» հետ կապված, սկսած այն պահից, երբ 2007 թվականին առաջին անգամ նրանց կազմում դուրս եկա խաղադաշտ և վերջացրած 2018 թվականի աշխարհի առաջնությունով:

Ուզում եմ նաև շնորհակալություն հայտնել բելգիացի երկրպագուներին, որոնք ճանապարհորդում էին աշխարհով, որպեսզի մեզ ոգևորեին:

Մարզչին և թիմին մաղթում եմ հաջողություններ առաջկայում կայանալիք Եվրո-2020-ի նախընտրական փուլում: Շնորհակալություն, Բելգիա:»,- գրել է Ֆելաինին իր Twitter-ում:

31-ամյա կիսապաշտպանը Բելգիայի կազմում դարձել է 2018 թվականի աշխարհի առաջնության բրոնզե մեդալակիր և խփել 18 գնդակ հավաքականում անցկացրած 11 տարիների ընթացքում:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022