Իտալական Ա սերիայի 21-րդ տուրում «Միլանը» հյուրընկալել էր «Նապոլիին»: Հանդիպումը գոլազուրկ ավարտ ունեցավ՝ 0:0: Պահերը քիչ էին. առավել վտանգավոր պահը խաղավերջում Մուսակիոյի հարվածն էր, որից հետո Օսպինան փրկեց իր թիմին վերահաս գոլից: Այս ոչ-ոքիից հետո «Նապոլին» 48 միավորով երկրորդն է, իսկ Գատուզոյի գլխավորած թիմը 35 միավորով 4-րդը:

Իտալիայի առաջնության 21-րդ տուրում «Սամպդորիան» 4 անպատասխան գնդակ է ուղարկել «Ուդինեզեի» դարպասը: Դուբլ է ձևակերպել փորձառու ֆուտբոլիստ Ֆաբիո Կվալյարելան: Այդպիսով, 35-ամյա գոլահարը 16 գոլով գլխավորում է ռմբարկուական մրցավազքը: Կրիշտիանու Ռոնալդուն ակտիվում ունի 14 գոլ: Թուրինյան թիմը տուրի հանդիպումն անցկացնելու է վաղը՝ հունվարի 27-ին: