Երկուսից մեկ. Մեսսիին 11 մետրանոցներից մեկը գոլի է վերածել, մյուսը վրիպել. Բարսելոնա-Վալյադոլիդ՝ 1:0 (տեսանյութ)

Իսպանիայի առաջնության 24-րդ տուրում «Բարսելոնան» հյուրընկալել էր «Վալյադոլիդին»: Գործող չեմպիոնը հաղթել է նվազագույն հաշվով:

Հանդիպման 43-րդ րոպեին հյուրերը տուգանային հրապարակում խախտել են կանոնները գրոհին միացած Պիկեի նկատմամբ: Մրցավարը 11 մետրանոց է նշանակել, որը հստակ է իրացրել Լիոնել Մեսսին:

Խաղի վերջնամասում՝ 85-րդ րոպեին դարձյալ տուգանային հրապարակում խախտում է եղել. այս անգամ Կոուտինյոյի նկատմամբ: Մեսսիի հարվածից հետո «Վալյադոլիդին» փրկել է «Բարսելոնայի» նախկին դարպասապահ Ժորդի Մասիպը:

Այս հաղթանակից հետո Էռնեստո Վալվերդեի գլխավորած թիմը 54 միավարով է գլխավորում մրցաշարային աղյուսակը: Ռմբարկուական մրցավազքը գլխավորող Մեսսին ակտիվում ունի 22 գոլ: