Դրամա Նեապոլում. Միլանը դուրս եկավ ՉԼ կիսաեզրափակիչ🎥

Չեմպիոնների լիգայի 1/4 եզրափակիչի պատասխան խաղում «Միլանը» հյուրընկալվելիս մրցեց «Նապոլիի» դեմ։

Հիշեցնենք, որ դիմակայության առաջին խաղում «ռոսոներիները» հաղթել էին 1:0 հաշվով։

Պատասխան խաղում էլ Ստեֆանո Պիոլիի թիմը 43-րդ րոպեին Օլիվիե Ժիրուի խփած գոլի շնորհիվ երկար ժամանակ հաղթում էր նույն հաշվով։

Լուչիանո Սպալետիի թիմը պատասխան գոլը խփեց միայն 90+3-րդ րոպեին. աչքի ընկավ Վիկտոր Օսիմենը։

Ավելին անել չհաջողվեց «Նապոլիին». հանդիպումն ավարտվեց 1:1 հաշվով։

Նշենք, որ հանդիպման ընթացքում թիմերը մեկական անգամ վրիպեցին 11-մետրանոց իրացնելիս։

Նախ 22-րդ րոպեին նշակետից վրիպեց Օլիվիե Ժիրուն, ապա 82-րդ րոպեին` Խվիչա Կվարացխելիան։

Այսպիսով, «ռոսոներիներն» ընդհանուր դիմակայությունում հաղթեցին 2:1 հաշվով` դուրս գալով Չեմպիոնների լիգայի կիսաեզրափակիչ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am