Մակրոն. «Ֆրանսիան կդառնա չեմպիոն. հպարտանում եմ այս թիմով»

ԱԱ-2022-ի կիսաեզրափակիչի շրջանակում Ֆրանսիայի հավաքականը 2:0 հաշվով հաղթեց Մարոկկոյին` դուրս գալով մրցաշարի եզրափակիչ։

Ֆրանսիայի նախագահ Էմանուել Մակրոնը, ով ներկա է եղել այդ հանդիպմանը, խաղից հետո կիսվել է իր տպավորություններով.

«Մեր հայրենակիցները պարզ ու մաքուր ուրախության կարիք ունեն, ինչը տալիս է սպորտը, մասնավորապես՝ ֆուտբոլը։

Այժմ ինձ ավելի լավ եմ զգում։ Հանդիպման ընթացքում երբեմն մենք դժվարություններ էինք ունենում, բայց մենք հինալի թիմ տեսանք դաշտում։

Մեծ շնորհակալություն մեր մարզիչ Դիդիե Դեշամին և այս թիմին, որն իսկապես մի քանի սերունդների խառնուրդ է, ինչը հիանալի է: Անչափ հպարտ եմ այս թիմով։

Դեշամը գիտի ինչ է նշանակում խաղալ եզրափակիչներում և հաղթել դրանք։ Մենք կպաշպանենք չեմպիոնի տիտղոսը։ Պատրաստվում ենք եզրափակիչին. Ֆրանսիան կդառնա չեմպիոն»,- Մակրոնի խոսքերը մեջբերում է RMC Sport-ը։

Հիշեցնենք, որ «եռագույններն» ԱԱ-2022-ի եզրափակիչում դեկտեմբերի 18-ին մրցելու են Արգենտինայի ընտրանու դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am