Ման. Յունայթեդի խայտառակությունը. Բրենթֆորդը ջախջախեց «կարմիր սատանաներին»🎥

Անգլիական Պրեմիեր լիգայի 2-րդ տուրում «Մանչեսթեր Յունայթեդը» հյուրընկալվելիս մրցեց «Բրենթֆորդի» դեմ։

Հանդիպման առաջին կեսում «կարմիր սատանաները» պարզապես խայտառակ հանդես եկան` բաց թողնելով 4 անպատասխան գնդակ։

«Մեղուների» կազմից մեկական անգամ աչքի ընկան Ջոշուա Դա Սիլվան, Մաթիաս Ենսենը, Բեն Մին ու Բրայան Մբեումոն։

Երկրորդ կեսում Էրիկ Տեն Հագի թիմը փորձեց բեկել հանդիպման ընթացքը, սակայն հյուրերի խաղում ոչինչ չէր ստացվում։

Այսպիսով, «Բրենթֆորդը» 4:0 հաշվով ջախջախեց «Մանչեսթեր Յունայթեդին», ինչից հետո վաստակեց 4 միավոր` բարձրանալով 4-րդ հորիզոնական։

Մանկունյական ակումբը պարտվել է մեկնարկային երկու խաղերում էլ և եզրափակում է մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am