Մարիո Բալոտելիի հիանալի անցումն ու «ռաբոնա» տեսակի հարվածով գոլը Գյոզթեփեի դեմ խաղում🎥

Թուրքական Սուպերլիգայի վերջին` 38-րդ տուրում «Ադանա Դեմիրսպորը» սեփական հարկի տակ պարզապես քարը քարի վրա չթողեց «Գյոզթեփեին»` ջախջախելով 7:0 հաշվով։

Հանդիպման հերոս դարձավ իտալացի անվանի հարձակվող Մարիո Բալոտելին, ով դարձավ պենտա-տրիկի հեղինակ` 5 անգամ գրավելով մրցակցի դարպասը։

Հատկապես տպավորիչ ստացվեց 31-ամյա հարձակվողի վերջին գոլը, ով հիանալի անցում ձեռնարկեց ու «ռաբոնա» տեսակի հարվածով գրավեց մրցակցի դարպասը։

Հավելենք, որ այդ 5 գոլերի շնորհիվ` Բալոն Սուպերլիգայի շրջանակում խփած գնդակների քանակը հասցրեց 18-ի ու լավագույն ռմբարկուների պայքարում բարձրացավ միանգամից 2-րդ հորիզոնական։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am