Դանժումա. «Վիլյառեալի նպատակը Չեմպիոնների լիգան հաղթելն է»

«Վիլյառեալի» հարձակվող Արնո Դանժուման խոսել է ակումբի նապատակների մասին.

«Նախորդ տարի «Վիլյառեալը» հաղթեց Եվրոպա լիգան, իսկ այս մրցաշրջանում մեր նպատակը Չեմպիոնների լիգան հաղթելն է։ Դեռևս մեզ համար ամեն ինչ լավ է ընթանում։

«Յուվենտուսի» դեմ խաղում կշարունակենք անել այն, ինչ մինչ այս պահն արել ենք։

Նույնիսկ այն ժամանակ, երբ խաղում էինք ավելի թոփ ակումբների, օրինակ, «Մանչեսթեր Յունայթեդի» դեմ` «Օլդ Թրաֆորդում», լավ ֆուտբոլ ցույց տվեցինք և շատ պահեր ստեղծեցինք։ Այդ խաղում պետք է հաղթեինք, սակայն պարտվեցինք 1:2 հաշվով։

Ես երբեք չեմ ասի, թե անհնար է Չեմպիոնների լիգան հաղթելը, նույնիսկ եթե մենք հավակնորդների թվում չկանք։ Մեր նպատակը Չեմպիոնների լիգան հաղթելն է ու կանենք դրա համար ամեն ինչ»,- հոլանդացի ֆուտբոլիստի խոսքերը մեջբերում է Corriere dello Sport-ը։

Հիշեցնենք, որ «Վիլյառեալը» Չեմպիոնների լիգայի 1/8 եզրափակիչի շրջանակում մրցելու է «Յուվենտուսի» դեմ. դիմակայության առաջին հանդիպումը կկայանա փետրվարի 22-ին` «Կերամիկա» մարզադաշտում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am