Պաշտոնական. Կոուտինիոն վարձակալական հիմունքներով տեղափոխվեց Բավարիա

«Բարսելոնայի» կիսապաշտպան Ֆիլիպե Կոուտինիոն վարձակալական հիմունքներով տեղափոխվեց «Բավարիա»: Պայմանագիրը նախատեսված է մեկ մրցաշրջանով:

Բրազիլացին կիրակի հաջողությամբ բուժզննություն է անցել մյունխենյան ակումբում: «Բավարիան» ֆուտբոլիստին գնելու իրավունք կունենա միայն պայմանագրի ավարտից հետո: Գործարքի ֆինանսական մասի մանրամասները չեն բարձրաձայնվում:

Ավելի վաղ հայտնի էր դարձել, որ «Բավարիան» Կոուտինիոյի համար կվճարի 20 մլն եվրո, իսկ նրան գնելու մտադրության դեպքում տրանսֆերի արժեքը կկազմի 120 մլն եվրո:

Բրազիլացի կիսապաշտպանը «Բարսելոնայի» կազմում անցկացրել է 76 հանդիպում և խփել 21 գոլ: