Ներդրումային հիմնադրամները օգնություն են առաջարկում Բարսելոնային Հալանդի տրանսֆերի հարցում
Չնայած ֆինանսական լուրջ խնդիրներին` «Բարսելոնան» շարունակում է հետաքրքրություն ցուցաբերել «Բորուսիա Դորտմունդի» հարձակվող Էրլինգ Հալանդի նկատմամբ։
Ինչպես տեղեկացնում է Diaro Sport-ը, «Բարսելոնայի» ղեկավարությունն առաջարկներ ունի մի շարք ներդրումային հիմնադրամներից, որոնք պատրաստ են ակումբին օգնել այս տրանսֆերի հարցում։
Հատկանշական է, որ «բլաուգրանասն» այս գործարքի հարցում հույսը դնելու է այն փաստի վրա, որ Հալանդը «Բարսելոնայում» լինելու է գլխավոր աստղը, ինչը չես ասի նրա ծառայություններով հետաքրքրվող մյուս ակումբների մասին։
Ամեն դեպքում, կատալոնական ակումբի համար շատ դժվար կլինի իրականացնել այս տրանսֆերը` հաշվի առնելով նաև նորվեգացի ֆուտբոլիստի աշխատավարձի բարձր պահանջները։
Հիշեցնենք` վերջերես տեղեկություններ տարածվեցին, որ 21-ամյա ֆուտբոլիստն իր հաջորդ ակումբից պահանջելու է տարեկան 50 մլն եվրո աշխատավարձ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Բարսելոնա, Բորուսիա-Դորտմունդ, Էրլինգ Հալանդ, տրանսֆերներ