Նեյմարը վերսկսել է մարզումները
15/07/2019 - 15:56
ՊՍԺ-ի հարձակվող Նեյմարը ժամանել է ակումբի մարզաբազա:
Ինչպես հայտնում է L’Equipe-ը, բրազիլացին առավոտյան ժամանել է ակումբի բազա, որպեսզի սկսի թիմի հետ մարզվել:
Այսօր կկայանա հանդիպում ֆուտբոլիստի և ակումբի սպորտային գծով տնօրեն Լեոնարդոյի միջև, կքննարկվի ֆուտբոլիստի բացակայելու հարցը:
Հուլիսի 8-ին փարիզյան ակումբը հայտարարել էր, որ բրազիլացին չի ներկայացել մարզումներին և նրան զրկել էր էթիկայի համար տրվող պարգևավճարից: Նեյմարի հայրը հայտարարել էր, որ որդու արձակուրդի ավարտին դեռ մեկ շաբաթ կա:
