Պաշտոնական. Դեպայը պայմանագիր կնքեց Բարսելոնայի հետ

Ինչպես տեղեկացնում է «Բարսելոնայի» պաշտոնական կայքը, ակումբը պայմանագիր է կնքել «Լիոնի» հարձակվող Մեմֆիս Դեպայի հետ։

Աղբյուրի փոխանցմամբ` կողմերի միջև պայմանագիրը կնքվել է մինչև 2023 թ. հունիսի 30-ը, իսկ 27-ամյա ֆուտբոլիստը նոր ակումբի շարքերը համալրել է անվճար, քանի որ դարձել էր ազատ գործակալ։

Ավելի վաղ հայտնի էր դարձել, որ Դեպայի ու «Բարսելոնայի» միջև կնքվելիք պայմանագրում լինելու է կետ, որը կողմերին թույլ կտա այն երկարաձգել ևս մեկ տարով։

Հիշեցնենք, որ Մեմֆիս Դեպայը 2017 թ. հունվարից հանդես էր գալիս «Լիոնի» կազմում, որի մարզաշապիկով մինչ այս պահն անցկացրել է 178 հանդիպում` դառնալով 76 գոլի և 55 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am