Կամավինգային ձեռք բերելու հարցում Ռեալը լուրջ մրցակից ունի
«Ռենի» հենակետային կիսապաշտպան Էդուարդո Կամավինգան, ամենայն հավանակությամբ, առաջիկա տրանսֆերային պատուհաններից մեկի ընթացքում կփոխի ակումբային գրանցումը։
Ինչպես հայտնի է, 18-ամյա կիսապաշտպանի ծառայություններով տևակական ժամանակ է հետաքրքրված է «Ռեալը», սակայն, ինչպես տեղեկացնում է Bayern & Germany-ն, խաղացողի համար մղվող պայքարին միանում է նաև «Բավարիան»։
Ինքը՝ խաղացողը, նույնպես ցանկանում է փոխել ակումբային գրանցումը, իսկ ֆրանսիական ակումբը խաղացողի դիմաց ցանկանում է ստանալ 50-80 մլն եվրո գումար։
«Բավարիան» դեռևս մտորումների մեջ է, քանի որ ակումբը մտքում պահել է Ռենատու Սանչեսի ձախողված տրանսֆերը, ում նույնպես համարում էին եվրոպական ֆուտբոլի գլխավոր աստղերից մեկը։ Հատկանշական է, որ Սանչեսն ու Կամավինգան ներկայումս թիմակիցներ են «Ռենում»։
Հավելենք, որ չնայած երիտասարդ տարիքին, Կամավինգան հասցրել է նույնիսկ նորամուտը նշել Ֆրանսիայի հավաքականի կազմում՝ անցկացնելով 2 հանդիպում։ Նրա ակտիվում կա նաև 1 գոլ։
# Բավարիա, Էդուարդո Կամավինգա, Ռեալ Մադրիդ, Ռեն, տրանսֆերներ