Ռոնալդու. Երբ խոսում են թվերը. Ընթերցողի կարծիք
Ընթերցողի կարծիք բաժնի շրջանակում շարունակում ենք ներկայացնել մեզ ուղարկված նյութերը: Այս անգամ հրապարակում ենք Կարեն Պողոսյանի վիճակագրական հոդվածը Կրիշտիանու Ռոնալդուի մասին:
Անցյալ շաբաթ Կրիշտիանու Ռոնալդուն Չեմպիոնների լիգայի հերթական 1/8 եզրափակչում հերթական հեթ-տրիկը հեղինակեց: Հերթական գերկարևոր խաղում նա ամբողջ ֆուտբոլային աշխարհին ստպիպեց նորից խոսել իր մասին: Այս ամենը այնքան հերթական անգամ է տեղի ունենում, որ մենք մոռանում ենք դրա յուօրինակության մասին… ախր այս մարդը 34 տարեկանում հատկապես տուգանային հրապարակում վերածվել է իսկական կործանիչի: Թե ինչպես է դա տեղի ունեցել, և ինչպես է երբեմնի «Մանչեսթեր Յունայթեդի» և «Ռեալի» Ֆորմուլա 1-ի ռեժիմ միացրած եզրայինը վերածվել տուգանային հրապարակի խաղացողի, կխոսենք մեկ ուրիշ անգամ: Հիմա եկեք տեսնենք ինչումն է Ռոնալդուի յուրօրինակությունը: Խոսելու ենք միայն թվերով, ինչը էլ ավելի բացառիկ է դարձնում այս ֆուտբոլիստի ցուցանիշները.
Վերջին տարիներին ահռելի մեծ գումարներ է ծախսվում տրանսֆերների համար, հատկապես հարձակման գծի խաղացողների դեպքում, և դրա հետ կապված ստատիստիկա ներկայացնող խոշոր կազմակերպություններ (opta, statsbomb, istat) որոշեցին հետազոտել հարձակման գծի ֆոտբոլիստիների ցուցանիշները. դրա նպատակն էր պարզել, թե երբ է հարձակվողի կարիերայի գագաթնակետը: Համեմատելու ենք միայն հարձակման գծի խաղացողների ցուցանիշները: Այդ նպատակով ճշգրիտ տպավորություն ստանալու համար վերցնենք հարված դարպասի ուղղությամբ և հարված դարպասին ցուցանիշները: Հետազոտությունները արվել են ըստ 2008-2013 թվականների տվյալների:
![](https://scontent.fevn2-1.fna.fbcdn.net/v/t1.15752-0/p480x480/54434099_2059369827473500_1985774250950131712_n.jpg?_nc_cat=105&_nc_ht=scontent.fevn2-1.fna&oh=3e52f961555adccbe0b53f5591dec519&oe=5D112C7F)
Այստեղ մենք տեսնում ենք, թե ինչպես է նվազում հարձակման գծի ֆոտբոլիստի հարված դեպի դարպասը ցուցանիշը 30-32 տարեկանից հետո: Տարիքի հետ նվազում է նաև հարված դարպասին ցուցանիշը.
![](https://scontent.fevn2-1.fna.fbcdn.net/v/t1.15752-0/p480x480/55666877_417957485415717_5864303888751919104_n.jpg?_nc_cat=101&_nc_ht=scontent.fevn2-1.fna&oh=ff3fa6b320ca556d3de167a4069ac6df&oe=5D081793)
Այս հետազոտությունների արդյունքերին ծանոթանալուց հետո, երբ տեսնում ենք, թե ինչպիսի թիմերի դեմ է գոլեր հեղինակում Ռոնալդուն և հաշվի առնենք, որ սա նոր առաջնություն է նրա համար, նոր թիմ, որտեղ միշտ լինում է այդ համընդհանուր միաձուլման «քիմայի» խնդիրը, էլ ավելի ապշեցուցիչ են դառնում նրա ցուցանիշները: 34 տարեկան հասակում, երբ հայտնի ֆոըտբոլիստները մտածում են կարիերան ավարտելու մասին, Ռոնալդուն հիմա էլ լավագույնն է Եվրոպայի թոփ-5 առաջնություններում կատարած հարվածներով և՛ դեպի դարպասը (6,1), և՛ դարպասին (5.2):
Կարեն Պողոսյան
# Կրիշտիանու-Ռոնալդու, Յուվենտուս