Ռեշֆորդը հայտնվել է գրանդ ակումբներից մեկի ուշադրության կենտրոնում

Ինչպես տեղեկացնում է  The Independent-ը, «Մանչեսթեր Յունայթեդի» հարձակվող Մարկուս Ռեշֆորդը, հնարավոր է, կարիերան շարունակի ՊՍԺ-ի կազմում։

Աղբյուրի փոխանցմամբ՝ փարիզյան ակումբը 22-ամյա անգլիացի հարձակվողին դիտարկում է որպես տրանսֆերային գլխավոր նպատակ։ Ռեշֆորդի տեղափխոությամբ հետաքրքրված է անձամբ «Պարի Սեն-Ժերմենի» գլխավոր մարզիչ Թոմաս Տուխելը։

Նշվում է, որ գերմանացի մասնագետը Ռեշֆորդի մոտ նկատում է իսկական ժամանակակից հարձակվողի կատարյալ որակներ։

Մանկունյանական ակումբն իր հերթին բարձր է գնահատում Մարկուս Ռեշֆորդի դերն ակումբում, սակայն դեմ չէ նրա վաճառքից ստանալ 100 մլն եվրո։

Անգլիացի հարձակվողն ընթացիկ մրցաշրջանում Պրեմիեր լիգայի շրջանակում մասնակցել է 28 հանդիպման՝ դառնալով 16 գոլի և 7 գոլային փոխանցման հեղինակ։