Պաշտոնական․ Սուսոն կարիերան կշարունակի Սևիլիայի կազմում
30/01/2020 - 01:40
Ինչպես տեղեկացնում է «Սևիլիայի» պաշտոնական կայքը, ակումբը 1․5 տարով վարձակալել է «Միլանի» վինգեր Սուսոյին։ Նոր ակումբի կազմում 26-ամյա խաղացողը հանդես կգա 14 համարի խաղաշապիկով։
Ինչպես տեղեկացնում է Sky Sports-ի լրագրող Ջանլուկա դի Մարցիոն, «Սևիլիան» կպարտավորվի ձեռք բերել խաղացողի ամբողջական տրանսֆերը, եթե 2020/21 մրցաշրջանի արդյունքում հայտնվի Չեմպիոնների լիգայի խմբային փուլում։
Ընթացիկ մրցաշրջանում Սուսոն «Միլանի» կազմում մասնակցել է 17 հանդիպման՝ դառնալով 1 գոլի և 2 գոլային փոխանցման հեղինակ։