Here we go! «Ռեալը» 60 միլիոնով տրանսֆեր է համաձայնեցրել 🎥

«Չելսիի» պաշտպան Մարկ Կուկուրելիան կտեղափոխվի Մադրիդի «Ռեալ», հայտնում է ինսայդեր Ֆաբրիցիո Ռոմանոն։

Կողմերն ամբողջական համաձայնության են հասել։ «Արքայական ակումբն» իսպանացի ֆուտբոլիստի տեղափոխության համար, բոնուսները ներառյալ, կվճարի 60 միլիոն եվրո։

27-ամյա ֆուտբոլիստը նոր ակումբի հետ պայմանագիր կստորագրի, որի մանրամասները չեն հաղորդվում։

Պաշտպանի տեղափոխությանը մեծապես նպաստել է «Ռեալի» նոր գլխավոր մարզիչ Ժոզե Մոուրինոն։ Պորտուգալացի մասնագետը շատ է ցանկացել աշխատել նրա հետ։

Կուկուրելիան «Սերուցքայիններին» կմիանա աշխարհի 2026թ. առաջնության ավարտից հետո, որին մասնակցում է Իսպանիայի ազգային հավաքականի կազմում։

«Լոս Բլանկոսը» հաջորդ մրցաշրջանի համար ավարտին է հասցրել չորրորդ գործարքը։ Մադրիդյան գրանդին կմիանան նաև պաշտպաններ Դենզել Դումֆրիսը, Իբրահիմա Կոնատեն և կիսապաշտպան Բեռնարդու Սիլվան։

Կուկուրելիան «Չելսիում» հանդես էր գալիս 2022թ. օգոստոսից, 163 խաղում խփել է 9 գոլ, կատարել 13 ասիստ։

Իսպանացին «Բարսելոնայի» սան է, որի համակարգում եղել է 2012-20 թվականներին։ Ձախ պաշտպանը կատալոնական գրանդի երիտասարդական թիմում մասնակցել է 54 հանդիպման, դարձել 1 գոլի և 8 գոլային փոխանցման հեղինակ։

Կարդացե՛ք նաև

• ԱՊԼ-ը ներկայացնող ակումբը բանակցել է Առբելոայի հետ
• «Բարսան» Պերեսին դատական հայցով է սպառնում` զրպարտչական հայտարարությունների համար
• «Ռեալն» ու «Յուվենտուսը» մի շարք ֆուտբոլիստների տրանսֆերներ են քննարկում
• Here we go! Բեռնարդու Սիլվան կտեղափոխվի «Ռեալ»
• Պաշտոնական. Ժոզե Մոուրինիոն 13 տարի անց վերադարձավ «Ռեալ»

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml