Արթուր Ղարիբյանը գոլ է խփել` օգնելով իր թիմին առաջին անգամ դուրս գալ ՌՊԼ 🎥

Ռուսաստանի երկրորդ լիգայի` ՖԱԼ-ի 33-րդ տուրում Մոսկվայի «Ռոդինան» սեփական դաշտում 2:0 հաշվով հաղթել է «Չելյաբինսկին»։

Տանտերերից 87-րդ րոպեին աչքի է ընկել Արթուր Ղարիբյանը` դնելով հանդիպման վերջակետը։

Հայաստանի Մ21 հավաքականի հարձակվողը հարազատ ակումբի հիմնական թիմում խփել է առաջին գոլը։

19-ամյա ֆուտբոլիստը մրցաշրջանի առաջին հատվածում վարձավճարով հանդես էր գալիս Կոստրոմայի «Սպարտակում», որի կազմում 16 խաղում 5 գոլ է խփել, կատարել 2 ասիստ։ Նա «Ռոդինա» վերադարձից հետո 9-րդ հանդիպմանն է մասնակցել։

«Ռոդինան» 65 միավորով գլխավորում է ՖԱԼ-ի մրցաշարային աղյուսակը։ Մոսկովյան ակումբն առաջնության ավարտից մեկ տուր առաջ պատկության մեջ առաջին անգամ նվաճել է Պրեմիեր լիգայի ուղեգիր։

«Չելյաբինսկը» 43 միավորով 9-րդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml